Oskar Uayld qamoqxonasi san’at markaziga aylantiriladi
Reding shahrida joylashgan sobiq qamoqxona Ziran Educational Foundation fondi tomonidan sotib olindi. Bu haqda Zamin.uz xabar berdi.
Bu haqda Weekend nashri xabar berdi. Ushbu qamoqxona 1895–1897 yillarda taniqli yozuvchi Oskar Uayld jazo o‘tagan joy sifatida tarixda qolgan.
Yangi loyiha doirasida sobiq qamoqxona ijodkorlar uchun xavfsiz makon sifatida qayta tashkil etilishi rejalashtirilgan. Fond bu hududda san’at markazi va butik-mehmonxona ochishni maqsad qilgan.
Shu bilan birga, qamoqxonaning tarixiy qiyofasi saqlangan holda uning ichki qismlarida ko‘rgazma zallari va ijodiy studiyalar tashkil etilishi ko‘zda tutilmoqda. Joriy yil yoz faslida fond rekonstruksiya bo‘yicha konsepsiyani taqdim qilishni rejalashtirmoqda.
Loyiha doirasida me’morlar viktorian davriga oid arxitektura uslubini saqlab qolgan holda, uning og‘ir tarixini zamonaviy san’at bilan uyg‘unlashtirishni maqsad qilgan. Eslatib o‘tish joizki, Oskar Uayldning ushbu qamoqxonada o‘tkazgan ikki yillik hayoti uning mashhur “Reding qamoqxonasi balladasi” asariga ilhom manbai bo‘lgan.
