Andijon va Samarqandda elektr energiyasi taloni fosh etildi
O‘zbekiston Bosh prokuraturasi huzuridagi Departamentning hududiy bo‘linmalari tomonidan o‘tkazilgan tergovga qadar tekshiruvlarda katta miqdordagi noqonuniy elektr energiyasi talon-toroj qilinishi holatlari aniqlangan. Bu haqida Zamin.uz xabar berdi.
Ayniqsa, Andijon va Samarqand viloyatlarida bir nechta noqonuniy ulanishlar fosh etildi. Andijon shahri bo‘limi xodimlari tomonidan olib borilgan tekshiruvda “A.-A.” mas’uliyati cheklangan jamiyati rahbarlari va fuqaro A.N.
tomonidan MCHJga tegishli bino hamda “Islomobod” mahallasidagi turar joy binosida umumiy foydalanishdagi elektr tarmoqlariga ruxsatsiz ulanib, jami 371,4 million so‘mlik elektr energiyasi noqonuniy ishlatilgani aniqlandi. Shu turar joy binosida yashovchi A.G.
va R.S. ham tijorat maqsadida shunday noqonuniy ulanishlardan foydalangan.
Bundan tashqari, Narpay tumani bo‘limi tomonidan o‘tkazilgan tekshiruvda “A.Z.” fermer xo‘jaligi rahbari M.Sh. o‘z xo‘jaligidagi suv nasosini elektr tarmog‘iga noqonuniy ulab, davlat hisobidan 208,6 million so‘mlik elektr energiyasini tekin ishlatgani aniqlangan.
Mazkur holatlar bo‘yicha Jinoyat kodeksining 169-moddasi, ya’ni o‘g‘irlik moddasi asosida jinoyat ishi qo‘zg‘atilib, tergov harakatlari boshlandi. Mutasaddi tashkilotlar bunday noqonuniy ulanishlar nafaqat iqtisodiy zarar yetkazishini, balki elektr ta’minotida uzilishlar va xavfsizlikka tahdid solishini ham ta’kidlamoqda.
Ushbu holatlar energiya resurslaridan foydalanishda qonuniylikni ta’minlash hamda davlat va xususiy mulk manfaatlarini himoya qilish zarurligini yana bir bor ko‘rsatdi. Manba: zamin.uz
