Bo‘sh ish o‘rinlari ko‘paydi, ish izlovchilar kamaydi
Markaziy bank ma’lumotlariga ko‘ra, 2025 yilning ikkinchi choragida O‘zbekistonda bo‘sh ish o‘rinlari soni sezilarli darajada oshgan, ammo ish izlovchilar faolligi kamaygan. Bu haqida Zamin.uz xabar berdi.
Ish qidirish xizmatlari ma’lumotlariga ko‘ra, vakansiyalar soni avvalgi chorakka nisbatan 28,7 foizga ko‘paygan. Eng ko‘p talab savdo, umumiy ovqatlanish hamda ishlab chiqarish sohalarida kuzatilgan.
Markaziy bank ta’kidicha, aprel va iyun oylaridagi o‘sishga mavsumiy omillar ta’sir qilgan. Shu bilan birga, so‘nggi ikki yil ichida onlayn ish qidirish faolligi pasaygan.
Bundan tashqari, ish beruvchilar talab qilayotgan malakaga ega mutaxassislar soni yetarli emas. Ko‘plab topshirilgan rezyumelar belgilangan mezonlarga javob bermaydi.
Shuningdek, 2025 yil aprel-iyun oylarida yaqin uch oyda ishchilar sonini oshirishga tayyor korxonalar ulushi 30,2 foizga kamaygani qayd etilgan. Ushbu ma’lumotlar Kursiv nashri tomonidan e’lon qilingan.
