Samarqandda yer osti chiqindi majmuasi ishga tushirildi
Samarqand shahrida respublika tarixida ilk bor yer ostida joylashgan maishiy chiqindilarni yig‘ish va saqlash majmuasi ishga tushirildi. Bu haqda Zamin.uz xabar berdi.
Bu haqda Chiqindilarni boshqarish va sirkulyar iqtisodiyotni rivojlantirish agentligi rasmiy ma’lumot berdi. Majmua shaharning Qorasuv massividagi “Obod maskan” mahallasida joylashgan bo‘lib, hozirda ikki yarim yer osti chiqindi saqlovchi maxsus qutilardan iborat.
Ushbu qurilmalarning asosiy vazifasi chiqindilar atrofga sochilib ketishini, issiq kunlarda noxush hidlar tarqalishini va sanitariya holatining yomonlashishini oldini olishdir. Bu esa mahalliy aholi uchun toza va qulay yashash muhitini yaratishda muhim ahamiyat kasb etadi.
Yangi tizim ikki metr chuqurlikka o‘rnatilgan bo‘lib, har bir maydonda ikki tadan jami to‘rtta maxsus konteyner mavjud. Har bir konteynerning sig‘imi uch metr kub yoki 550 litrga teng bo‘lib, u 1000 dan 1500 nafargacha aholi punktiga xizmat ko‘rsatadi.
Mutasaddilar ta’kidlashicha, kelgusida hududda yana beshta shunday majmua qurish rejalashtirilgan. Agentlik bunday loyihalar nafaqat Samarqandda, balki butun respublika bo‘ylab bosqichma-bosqich amalga oshirilishini ma’lum qildi.
Bu esa chiqindilar bilan bog‘liq ekologik muammolarni kamaytirish, shahar infratuzilmasini zamonaviy standartlarga yaqinlashtirish va aholi turmush sifatini yaxshilashda katta qadam bo‘ladi. Shu bilan birga, Samarqandda joriy yil iyul oyidan chiqindilardan elektr energiyasi ishlab chiqaruvchi yirik zavod qurilishi boshlandi.
Loyiha qiymati 150 million dollar bo‘lib, kuniga 1500 tonna chiqindini qayta ishlashga mo‘ljallangan. Zavod yiliga 240 million kilovatt soat elektr energiyasi ishlab chiqaradi.
Ekologlar va mutaxassislar fikricha, bunday zamonaviy majmualar va qayta ishlash texnologiyalari nafaqat shahar aholisi, balki mamlakatga tashrif buyuruvchi turistlar uchun ham sog‘lom va qulay muhit yaratishga xizmat qiladi. Manba: zamin.uz
