Mehnat haqini belgilashda yangi tizim joriy etiladi

Prezident Shavkat Mirziyoyev kasaba uyushmalari vakillari bilan uchrashuvda mehnatga haq to‘lash tizimini yanada takomillashtirishga oid muhim vazifalarni belgiladi. Bu haqda Zamin.uz xabar berdi.

Hozirgacha eng kam ish haqi asosan davlat idoralari hisob-kitoblariga asoslangan holda belgilanardi. Biroq 2026 yildan boshlab bu jarayonga Kasaba uyushmalari federatsiyasi, Bandlik va mehnat vazirligi hamda Ish beruvchilar konfederatsiyasi ham jalb qilinadi.

Yangi yondashuv orqali xodimlarning manfaatlarini yanada yaxshiroq himoya qilish, adolatli ish haqi tizimini yaratish va mehnat bozorida barqarorlikni ta’minlash maqsad qilinmoqda. Shuningdek, prezident inson qadri faqat ish haqidan iborat emasligini, balki uy-joy, ta’lim, sog‘liqni saqlash va transport kabi ijtimoiy omillar ham muhim ahamiyatga ega ekanligini ta’kidladi.

Ushbu chora-tadbirlar mehnat sohasida yangiliklar va islohotlarni amalga oshirishga xizmat qiladi (manba: zamin.uz).