Mirziyoyev Bryusselda Yevropa yetakchilari bilan uchrashdi
O‘zbekiston Respublikasi Prezidenti Shavkat Mirziyoyev rasmiy tashrif bilan Belgiya poytaxti Bryussel shahriga yetib keldi. Bu haqda Zamin.uz xabar berdi.
Xalqaro aeroportda davlat rahbarini Yevropa Ittifoqining Markaziy Osiyo bo‘yicha maxsus vakili Eduards Stiprays hamda boshqa rasmiy shaxslar kutib oldi. Tashrif doirasida 24 oktyabr kuni Prezident Mirziyoyev Yevropa Kengashi raisi Antoniu Koshta hamda Yevropa Komissiyasi raisi Ursula fon der Lyayen bilan muzokaralar o‘tkazadi.
Shuningdek, Belgiya qiroli Filipp bilan ham uchrashuv rejalashtirilgan. Davlat rahbari O‘zbekiston va Yevropa Ittifoqi o‘rtasida kengaytirilgan sheriklik va hamkorlik to‘g‘risidagi bitimni imzolash marosimida ishtirok etadi.
Tashrif davomida Yevropaning yetakchi kompaniyalari va moliyaviy tuzilmalar vakillari bilan davra suhbati tashkil etilishi ko‘zda tutilgan. Ushbu tashrif mamlakatimiz va Yevropa Ittifoqi o‘rtasidagi munosabatlarni yanada mustahkamlashga qaratilgan.
Manba: zamin.uz
