Shavkat Mirziyoyev AQSh Kongressi vakillari bilan uchrashdi

O‘zbekiston Prezidenti Shavkat Mirziyoyevning AQShga tashrifi doirasida Vashingtonda AQSh Kongressining bir qator vakillari bilan uchrashuvlar o‘tkazildi. Bu haqda Zamin.uz xabar berdi.

Prezident matbuot xizmatining xabar berishicha, davlat rahbari kongressmenlar Bill Hayzenga, Kerol Miller va Sidni Kamlager-Dov bilan muzokaralar olib bordi. Uchrashuv davomida ikki mamlakat o‘rtasidagi hamkorlikni yanada mustahkamlash, xususan, parlamentlararo aloqalarni rivojlantirish masalalari muhokama qilindi.

Shuningdek, O‘zbekiston va AQSh qonunchilik organlari o‘rtasidagi faol aloqalarning ijobiy rivoji qayd etildi. Tomonlar AQSh Kongressidagi O‘zbekiston bilan hamkorlik Kokusining samarali faoliyatini alohida ta’kidladilar.

Uchrashuvda G‘arbiy Virjiniya, Michigan va Kaliforniya shtatlari bilan hamkorlikni kengaytirish masalalariga ham e’tibor qaratildi. Muzokaralar yakunida AQSh Kongressi vakillarining O‘zbekistonga tashrifini tashkil etish, shuningdek, mintaqalar rahbarlari boshchiligida biznes delegatsiyalar almashuvi bo‘yicha kelishuvga erishildi.

Bundan tashqari, Prezident Shavkat Mirziyoyev Montana shtatidan senator Stiv Deyns bilan ham uchrashuv o‘tkazdi. Uchrashuvda ikki davlat o‘rtasidagi iqtisodiy va investitsion hamkorlikni kengaytirish masalalari muhokama qilindi.

Ma’lum qilinishicha, kelgusida AQShdan O‘zbekistonga biznes delegatsiyalar yuborish rejalashtirilgan. Shuningdek, Shavkat Mirziyoyev 6-noyabr kuni Vashingtonda bo‘lib o‘tadigan "S5+1" sammitida ishtirok etadi.

Ushbu sammitda investitsiya va iqtisodiy masalalar muhokama qilinishi kutilmoqda.