O‘zbekistonda qo‘riqlash tizimi qayta tashkil etiladi
O‘zbekistonda xavfsizlikni ta’minlash bo‘yicha yangi chora-tadbirlar belgilandi. Bu haqda Zamin.uz xabar berdi.
Prezidentning "Ichki ishlar organlarining qo‘riqlash sohasidagi faoliyatini samarali tashkil etish chora-tadbirlari to‘g‘risida"gi qaroriga ko‘ra, Milliy gvardiyaning Qo‘riqlash bosh boshqarmasi qayta tashkil etilib, Ichki ishlar vazirligi huzuridagi Qo‘riqlash departamenti sifatida faoliyat yuritadi. Ushbu yangi tuzilma zamonaviy texnologiyalar asosida ob’ektlarni himoya qilishni maqsad qilgan.
Sun’iy intellekt va raqamli nazorat usullarini qo‘llash orqali xavfsizlikni yanada kuchaytirish rejalashtirilgan. Qo‘riqlash departamentiga davlat ahamiyatiga ega bo‘lgan muhim obyektlar, ta’lim muassasalari hamda jismoniy va yuridik shaxslarning mol-mulkini zamonaviy usulda qo‘riqlash vazifasi yuklatilgan.
Ayniqsa, raqamli texnologiyalar va sun’iy intellekt imkoniyatlaridan foydalanish orqali nazoratni kuchaytirish ustuvor yo‘nalishlardan biri sifatida belgilangan. Shuningdek, qarorga muvofiq, 2026 yil 1 yanvardan boshlab banklar, yirik korxonalar va mahalliy hokimiyat binolarida shaxsni aniqlash tizimlari, ya’ni yuzni tanish texnologiyalari bosqichma-bosqich joriy etiladi.
Ushbu chora xavfsizlik darajasini oshirish va nazoratni kuchaytirishga qaratilgan. Yangi tizim qo‘riqlash xizmatlarining samaradorligini sezilarli darajada oshirishi kutilmoqda.
