Tovarlarni boj to‘lamasdan olib chiqish me’yorlari belgilandi
O‘zbekiston qonunchiligiga muvofiq, jismoniy shaxslar mamlakat hududidan ayrim tovarlarni boj to‘lamasdan olib chiqish huquqiga ega. Bu haqda Zamin.uz xabar berdi.
Biroq bu jarayon qat’iy belgilangan me’yorlar asosida amalga oshiriladi. Ushbu me’yorlar tovarlarning miqdorini aniqlash va bojxona tartiblarini soddalashtirish maqsadida joriy etilgan.
Quyidagi tovarlarni boj to‘lamasdan olib chiqish mumkin bo‘lgan miqdorlar belgilangan: guruch – 3 kilogrammgacha, non va bulka mahsulotlari – 5 kilogrammgacha, go‘sht va go‘sht mahsulotlari – 2 kilogrammgacha, shakar – 2 kilogrammgacha, o‘simlik yog‘i – 2 kilogrammgacha. Shuningdek, yangi uzilgan meva-sabzavotlar, uzum, poliz ekinlari, dukkakli o‘simliklar, quritilgan sabzavotlar va mevalarni esa 40 kilogrammgacha olib chiqish mumkin.
Agar ushbu miqdorlardan ortiqcha tovar olib chiqish rejalashtirilsa, ular bojxona qonunchiligiga muvofiq rasmiylashtirilishi lozim. Bu tartib mamlakat qonunlariga rioya etishni ta’minlash bilan birga, ortiqcha boj to‘lovlarining oldini oladi va bojxona jarayonlarini tartibga soladi.
Manba: Zamin.uz
