O‘zbekiston Prezidenti Shavkat Mirziyoyev 42 ta energetika obyektini ishga tushirish marosimini o‘tkazdi va 21 ta yangi korxona qurilishi uchun rasmiy start berdi. Bu haqda Zamin.uz xabar berdi.
Bu haqda Prezident matbuot xizmati xabar berdi. Tadbirda davlat rahbari mazkur loyihalar mamlakat iqtisodiy o‘sishiga hissa qo‘shishi va kelajak avlodlar uchun yangi imkoniyatlar yaratishini ta’kidladi.
Prezidentning so‘zlariga ko‘ra, ushbu loyihalar doirasida Xitoy tajribasidan foydalanib, 107 MVt quvvatga ega quyosh elektr stansiyalari qurilishi amalga oshirilmoqda. Bu energetika loyihalari aholining ehtiyojmand qatlamini ekologik toza energiya bilan ta’minlash imkonini beradi.
Shuningdek, fuqarolar o‘zlarida ortib qolgan elektr energiyasini sotish imkoniyatiga ega bo‘ladi. Mahalliy tadbirkorlar joriy yilda 40 MVt quvvatga ega mikro-GESlarni ishga tushirdi va ular orqali 120 million kilovatt-soat elektr energiyasi ishlab chiqarildi.
2026-yilga kelib, quvvati yanada yuqori bo‘lgan yangi stansiyalarni ishga tushirish rejalashtirilgan. Bu stansiyalar 80 ming xonadonni elektr energiyasi bilan ta’minlash imkonini yaratadi.
Mazkur loyihalar mamlakatning energetika sohasida mustaqilligini mustahkamlash va “yashil” energiya ulushini oshirishga qaratilgan.
