Ertaga kuchli magnit bo‘roni kutilmoqda
Mutaxassislarning ma’lumotiga ko‘ra, 7 ballik, ya’ni to‘q qizil darajadagi kuchli magnit bo‘roni ertaga sodir bo‘lishi mumkin. Bu haqda Zamin.uz xabar berdi.
Ushbu bo‘ronning ta’siri chorshanba kuniga qadar davom etishi ehtimoli bor. Bunday quyosh faolligi davrida texnologik tizimlarda muammolar yuzaga kelishi mumkin.
Jumladan, aloqa tizimlarida, GPS navigatsiyada, hatto elektr tarmoqlarida qisqa muddatli uzilishlar kuzatilishi ehtimoldan holi emas. Shuningdek, magnit bo‘ronlar inson salomatligiga ham salbiy ta’sir ko‘rsatishi qayd etilgan.
Ayrim odamlarda bosh og‘rig‘i, uyqusizlik, asabiylik, holsizlik yoki qon bosimining o‘zgarishi kabi alomatlar paydo bo‘lishi mumkin. Shu sababli, mutaxassislar bunday kunlarda organizmni asrash uchun ba’zi tavsiyalarga amal qilishni maslahat bermoqda.
Jumladan, ko‘proq suyuqlik iste’mol qilish, ortiqcha stressdan saqlanish va yetarli darajada dam olish tavsiya qilinadi. Bu kabi ehtiyot choralariga rioya qilish orqali salomatlikni saqlash mumkin.
Manba: zamin.uz.
