O‘zbekistonga 2025 yilda 11 million sayyoh keladi
Milliy statistika qo‘mitasining ma’lumotlariga ko‘ra, 2025 yilning yanvar-noyabr oylari davomida O‘zbekistonga qariyb 200 mamlakatdan sayyohlar tashrif buyurgan. Bu haqda Zamin.uz xabar berdi.
Tadqiqot natijalariga ko‘ra, kelgan mehmonlarning asosiy qismi 31–55 yosh oralig‘idagi fuqarolar bo‘lib, ularning umumiy soni 5,4 million nafardan oshgan. Ikkinchi o‘rinda esa 56 yosh va undan katta bo‘lgan sayyohlar turadi.
Ularning soni 2,18 million kishini tashkil qilgan. Sayyohlarning jinsiy tarkibiga e’tibor qaratilsa, erkaklar soni 5,85 million, ayollar esa 4,9 million nafarga yetgan.
Yoshlar (19–30 yosh) orasida 1,75 million nafar sayyoh O‘zbekistonga tashrif buyurgan. Shuningdek, bolalar va o‘smirlar (0–18 yosh) soni 1,38 million nafarni tashkil qilgan.
Ushbu raqamlar O‘zbekistonning turizm sohasida xalqaro miqyosda qiziqish uyg‘otayotganidan dalolat beradi. Turli yosh guruhlaridan bo‘lgan tashrif buyuruvchilar sonining ortishi mamlakat turizm bozorining rivojlanib borayotganini ko‘rsatmoqda.
Bu ma’lumotlar One.uz saytida e’lon qilingan.
