28-yanvar: O‘zbekistonda qor, tuman va sovuq kutilmoqda
28-yanvar kuni O‘zbekiston hududida qish fasliga xos ob-havo hukm suradi. Bu haqda Zamin.uz xabar berdi.
Ayrim hududlarda qor yog‘ishi, ba’zi joylarda esa tuman tushishi va yo‘llarda yaxmalak paydo bo‘lishi mumkin. Haydovchilarga yo‘llarda ehtiyotkorlikni oshirish, tezlikni me’yorida saqlash tavsiya etiladi.
Hududlar bo‘yicha ob-havo ma’lumotlari quyidagicha: Toshkent shahrida kechasi harorat -2…0 daraja, kunduzi esa 0…+2 daraja bo‘lishi kutilmoqda. Ayrim vaqtlarda yengil qor yog‘ishi mumkin.
Toshkent viloyatida kechasi -1…+1 daraja, kunduzi esa +1…+3 daraja bo‘lishi kutilmoqda, yomg‘irning qorga aylanish ehtimoli mavjud. Sirdaryo viloyatida kechasi -2…0 daraja, kunduzi esa +1…+4 daraja bo‘ladi, qor va yomg‘ir aralash yog‘ishi mumkin.
Jizzax viloyatida kechasi harorat -5…-2 daraja, kunduzi esa -1…+2 daraja atrofida bo‘ladi, qor yog‘ishi ehtimoli bor. Samarqand viloyatida kechasi -5…-3 daraja, kunduzi esa -1…+2 daraja bo‘lishi kutilmoqda, ertalab qor yoki yomg‘ir yog‘ishi mumkin.
Buxoro viloyatida kechasi -4…-1 daraja, kunduzi esa -3…0 daraja bo‘lishi kutilmoqda, havo bulutli va sovuq bo‘ladi. Navoiy viloyatida kechasi -4…-3 daraja, kunduzi esa -3…-2 daraja bo‘ladi, sovuq barqaror saqlanadi.
Qashqadaryo viloyatida kechasi -4…-1 daraja, kunduzi esa 0…+2 daraja bo‘lishi kutilmoqda, havo bulutli bo‘ladi. Surxondaryo viloyatida kechasi +1…+3 daraja, kunduzi esa +5…+6 daraja kuzatiladi, yomg‘ir yog‘ishi ehtimoli bor.
Farg‘ona viloyatida kechasi harorat -1…+1 daraja, kunduzi esa +4…+6 daraja bo‘lishi mumkin, kechga yaqin qor yog‘ishi ehtimoli mavjud. Namangan viloyatida kechasi +1…+2 daraja, kunduzi esa +6…+8 daraja bo‘ladi, yomg‘ir va qor aralash yog‘ishi mumkin.
Andijon viloyatida kechasi 0…+2 daraja, kunduzi esa +6…+7 daraja bo‘lishi kutilmoqda, kechki payt qor yog‘ishi mumkin. Xorazm viloyatida kechasi harorat -10…-7 daraja, kunduzi esa -6…-3 daraja bo‘ladi, keskin sovuq kuzatiladi.
Qoraqalpog‘iston Respublikasida kechasi -13…-11 daraja, kunduzi esa -8…-6 daraja bo‘lishi kutilmoqda. Bu hududda eng qattiq sovuq qayd etilishi mumkin.
Manba: Zamin.uz
