31-yanvar: Ayrim hududlarda yomg‘ir va tuman kutiladi

O‘zgidromet markazi 31-yanvar kuni kutilayotgan ob-havo ma’lumotlarini e’lon qildi. Bu haqda Zamin.uz xabar berdi.

Respublika hududida ob-havo asosan o‘zgaruvchan bo‘lib, ayrim hududlarda yomg‘ir yog‘ishi, tuman tushishi va yo‘llarda yaxmalak kuzatilishi mumkin. Haydovchilardan yo‘llarda ehtiyotkor bo‘lish so‘ralmoqda.

Toshkent shahrida havo bulutli bo‘lib, yomg‘ir yog‘ishi ehtimoli bor. Shamol g‘arbdan 3–8 metr/sekund tezlikda esadi.

Harorat kechasi 1 daraja sovuqdan 1 daraja iliqqacha, kunduzi 8–10 daraja iliq bo‘lishi kutilmoqda. Qoraqalpog‘iston Respublikasi va Xorazm viloyatida yog‘ingarchilik kuzatilmaydi, ammo ayrim hududlarda tuman tushishi va yo‘llarda yaxmalak bo‘lishi ehtimoldan xoli emas.

Shamol g‘arbdan 7–12 metr/sekund tezlikda esadi. Harorat kechasi 0–5 daraja sovuq, kunduzi 0–5 daraja iliq bo‘ladi.

Buxoro va Navoiy viloyatlarida ayrim joylarda yomg‘ir yog‘ishi va tuman tushishi kutilmoqda. Yo‘llarda yaxmalak saqlanadi.

Shamol g‘arbdan 7–12 metr/sekund tezlikda esadi. Harorat kechasi 2 daraja sovuqdan 3 daraja iliqqacha, kunduzi 6–11 daraja iliq bo‘ladi.

Toshkent viloyati, Sirdaryo, Jizzax va Samarqandda havo o‘zgaruvchan bo‘lib, ayrim joylarda yomg‘ir yog‘ishi va tuman tushishi mumkin. Yo‘llarda yaxmalak kuzatiladi.

Shamol g‘arbdan 7–12 metr/sekund tezlikda esadi. Harorat kechasi 2 daraja sovuqdan 3 daraja iliqqacha, kunduzi 6–11 daraja iliqni tashkil qiladi.

Qashqadaryo va Surxondaryo viloyatlarida ham ob-havo o‘zgaruvchan. Ayrim joylarda yomg‘ir yog‘ishi va tuman tushishi ehtimoli bor.

Yo‘llarda yaxmalak kuzatiladi. Shamol g‘arbdan 7–12 metr/sekund tezlikda esadi.

Harorat kechasi 0–5 daraja iliq, kunduzi 8–13 daraja iliq bo‘lishi kutilmoqda. Andijon, Namangan va Farg‘ona viloyatlarida yog‘ingarchilik kutilmaydi, ammo ayrim joylarda tuman tushishi va yo‘llarda yaxmalak bo‘lishi mumkin.

Shamol g‘arbdan 5–10 metr/sekund tezlikda esadi. Harorat kechasi 3 daraja sovuqdan 2 daraja iliqqacha, kunduzi 3–8 daraja iliq bo‘ladi.

Tog‘li hududlarda havo o‘zgaruvchan bo‘lib, ayrim joylarda qor yog‘ishi, tuman tushishi va yo‘llarda yaxmalak kuzatilishi mumkin. Shuningdek, qor ko‘chishi xavfi ham saqlanadi.

Shamol g‘arbdan 7–12 metr/sekund tezlikda esadi. Harorat kechasi 4–9 daraja sovuq, kunduzi 2 daraja sovuqdan 3 daraja iliqqacha bo‘ladi.

Ma’lumot manbasi: O‘zgidromet.