Qurbon hayiti munosabati bilan o‘zbekistonliklar besh kun dam oladi
Joriy yilda mamlakatimizda Qurbon hayiti bayrami 27-may, chorshanba kuniga to‘g‘ri kelmoqda. Bu haqda Zamin.uz xabar berdi.
Ushbu muqaddas bayramni munosib nishonlash va yurtdoshlarimizning maroqli hordiq chiqarishlarini ta’minlash maqsadida dam olish kunlari uzaytirildi. Davlatimiz rahbarining tegishli farmoniga muvofiq, barcha fuqarolar uchun payshanba va juma kunlari qo‘shimcha dam olish kunlari sifatida belgilandi.
Shuningdek, haftasiga olti kunlik ish tartibida faoliyat yuritadigan xodimlar uchun shanba kuni ham dam olish kuni deb e’lon qilindi. Bunday tartibning joriy etilishi natijasida ish haftasining turidan qat’i nazar, barcha o‘zbekistonliklar ketma-ket besh kun davomida dam olish imkoniyatiga ega bo‘ladilar.
Bayram kunlari quydagicha taqsimlangan: 27-may, chorshanba kuni Qurbon hayiti bayrami nishonlanadi. Undan keyingi 28 va 29-may kunlari barcha xodimlar uchun qo‘shimcha dam olish kunlari etib belgilangan.
30-may, shanba kuni esa olti kunlik ish rejimida ishlaydiganlar uchun navbatdagi dam olish kuni bo‘ladi. 31-may, yakshanba kuni esa odatdagi dam olish kuni hisoblanadi.
Mazkur yangilik va belgilangan tartiblar 2025-yil 24-dekabrda qabul qilingan Prezident farmoni asosida hayotga tatbiq etilmoqda. Ushbu hujjat fuqarolarning bayram kunlarida oila davrasida mazmunli vaqt o‘tkazishlari, ziyoratgohlarga borishlari hamda ichki turizm imkoniyatlaridan keng foydalanishlari uchun zamin yaratadi.
Ketma-ket keladigan dam olish kunlari aholining kayfiyatini ko‘tarish bilan birga, bayram shukuhini yanada boyitishga xizmat qiladi. Ushbu qaror yurtimizda inson qadri va uning manfaatlari har doim birinchi o‘rinda turishining yana bir isbotidir.
Bayram munosabati bilan berilayotgan bu imkoniyatlar xalqimizning o‘zaro birdamligini mustahkamlashga va an’analarimizni asrab-avaylashga yordam beradi. Har bir fuqaro o‘z vaqtini to‘g‘ri rejalashtirgan holda, ushbu besh kunlik hordiqdan unumli foydalanishi mumkin.
Bayramingiz muborak bo‘lsin.
