Laport faqat Atletik Bilbao taklifini qabul qilmoqda
«Al-Nasr» jamoasining markaziy himoyachisi Emerik Laport «Atletik» Bilbao klubiga qaytishni xohlamoqda. Bu haqida Euro-football.ru xabar berdi.
Saudiya klubi 31 yoshli futbolchidan voz kechishga tayyor, biroq Laport faqatgina «Atletik»ga o‘tishga qiziqmoqda. U faoliyatining boshida aynan shu jamoada o‘ynagan.
Mashhur futbol insayderi Fabrisio Romano ma’lumotlariga ko‘ra, Laport boshqa barcha takliflarni rad etmoqda va bask klubiga qo‘shilishga intilmoqda. Biroq klublar o‘rtasidagi muzokaralar murakkab kechmoqda, hozircha hech qanday kelishuvga erishilmagan.
Emerik Laport 2023 yil yozida «Manchester Siti»dan «Al-Nasr»ga ko‘chib o‘tgan. Uning amaldagi shartnomasi 2026 yil o‘rtalarigacha mo‘ljallangan.
Transfermarkt ma’lumotlariga ko‘ra, uning transfer qiymati taxminan 15 million yevroni tashkil etadi. Laportning «Atletik»ga qaytishi futbol muxlislari va jamoa uchun muhim voqea bo‘lishi mumkin, ammo hozircha bu masalada aniq qaror qabul qilinmagan.
Klub va futbolchi o‘rtasidagi muzokaralar davom etmoqda.
