RB Leyptsig jamoasining markaziy hujumchisi Lui Openda o‘z faoliyatini Italiya Serie A ligasida davom ettirishi mumkin. Bu haqida Euro-football.ru xabar berdi.
Futbolchiga "Yuventus" klubi qiziqish bildirmoqda. Bu haqda taniqli jurnalist Fabrizio Romano ma’lumot berdi.
Manbaga ko‘ra, Turin klubi nemis jamoasi rahbariyati bilan muzokaralar olib bormoqda. RB Leyptsig belgiyalik futbolchini kamida 40 million yevroga sotishga tayyor.
Shuningdek, Opendaga Angliya Premer Ligasi klublaridan "Sanderlend" va "Aston Villa" ham qiziqish bildirgan. O‘tgan mavsumda 25 yoshli hujumchi 45 o‘yinda maydonga tushib, 13 ta gol urdi va 11 ta golga uzatma berdi.
Uning RB Leyptsig bilan shartnomasi yana uch yil davom etadi.
