«Liverpul» yozgi transfer oynasining oxirgi kunida yana ikki yirik kelishuvni amalga oshirishi mumkin. Bu haqida Euro-football.ru xabar berdi.
Klub «Nyukasl» hujumchisi Aleksandr Isakni 150 million yevroga sotib olish bo‘yicha kelishuvga erishdi. Shuningdek, «Liverpul» himoyachi Mark Gehini «Kristal Pelas»dan olib kelishga ham yaqin turibdi.
Uning narxi taxminan 40 million yevodan oshishi kutilmoqda. Shu tariqa, agar Isak va Gehini xarid qilish amalga oshsa, «Liverpul» bir transfer oynasida futbolchilarga sarflagan mablag‘ bo‘yicha rekord o‘rnatadi.
Hozirgi vaqtda klub yangi o‘yinchilarga taxminan 340 million yevro sarflagan. Eng qimmat transfer Florian Virts bo‘lib, u «Bayer»dan 125 million yevroga sotib olingan.
Hozirgacha rekord «Chelsi» klubiga tegishli bo‘lib, ular 2023 yil yozida transferlarga taxminan 450 million yevro sarflagan. Bu ko‘rsatkichlar «Liverpul»ning transfer siyosatidagi faoliyatini yaqqol namoyon etadi va klubning kelgusidagi rejalari haqida tasavvur beradi.
