Madridning “Atletiko” jamoasining hujumchi yarim himoyachisi Aleks Baena yaqin haftalarda maydonga chiqa olmaydi. Bu haqida Euro-football.ru xabar berdi.
24 yoshli futbolchi appenditsit operatsiyasidan muvaffaqiyatli o‘tganini Marca xabarladi. Agar sharoitlar yaxshi bo‘lsa, Baenaning tiklanish jarayoni ikki- to‘rt hafta davom etadi.
U aniq 13 sentyabr kuni bo‘lib o‘tadigan “La Liga” doirasidagi “Vilyarreal”ga qarshi o‘yinni o‘tkazib yuboradi. Ushbu o‘yin milliy terma jamoalar o‘yinlari tanaffusidan keyin bo‘lib o‘tadi.
Aleks Baena o‘tgan yoz mavsumida aynan “Vilyarreal”dan “Atletiko”ga o‘tgan. Bu transfer “matraschilar” uchun 42 million yevroga tushdi.
Ispaniyalik futbolchi Madrid klubiga 2030 yilgacha mo‘ljallangan shartnoma imzoladi. Baena jamoaga katta umidlar bilan kelgan bo‘lib, uning jarohati “Atletiko” uchun jiddiy yo‘qotish hisoblanadi.
Jamoa rahbariyati va tibbiyot xodimlari futbolchini tezroq sog‘aytirishga intilmoqda. Hozircha uning maydonga qaytish sanasi aniq emas, biroq eng yaxshi holatda ikki haftadan keyin maydonga chiqishi mumkinligi aytilmoqda.
Futbolchi va klub muxlislari uning tezda sog‘ayib, maydonga qaytishini orziqib kutmoqda.
