Angliya va Venesuela o‘yini irqchilik sabab to‘xtatildi
Angliyaning U17 yoshlar jamoasi Yevropa chempionati saralash bosqichiga tayyorgarlik doirasida Venesuela terma jamoasi bilan do‘stlik uchrashuvini o‘tkazdi. Bu haqida Euro-football.ru xabar berdi.
Ushbu o‘yinda muxlislarning nojo‘ya xatti-harakati sababli muammolar yuzaga keldi, deb xabar beradi Angliya Futbol Assotsiatsiyasi rasmiy sayti. Uchrashuv Germaniyaning neytral maydonida bo‘lib o‘tdi.
O‘yin ikki marta to‘xtatildi, ayniqsa ikkinchi bo‘limda sudya yuzaga kelgan voqealarni aniqlash uchun uzoq vaqt tanaffus qildi. Jamoa vakili bildirishicha, Angliya terma jamoasi futbolchilariga nisbatan irqchilikka oid xavotirli xabarlar haqida ma’lumot bor.
Ular futbolchilar va xodimlarni qo‘llab-quvvatlashni ustuvor vazifa sifatida belgilagan. Shuningdek, tashkilotchilar va mas’ul idoralar bilan kelgusidagi choralar yuzasidan muzokaralar olib borilmoqda.
O‘yin 2:1 hisobida Angliya jamoasi g‘alabasi bilan yakunlandi. Gollarni Bryayan Madjo (“Mets”) va Rayen Kavuma-Makkuin (“Chelsi”) kiritdi.
