Kevin de Bryune Belgiya terma sardori emasligi ma’lum qilindi

Belgiya terma jamoasi bosh murabbiyi Rudi Garsiya tajribali yarim himoyachi Kevin de Bryunening endi jamoa sardori bo‘lmasligini tushuntirdi. Bu haqida Euro-football.ru xabar berdi.

Unga ko‘ra, Lixteynshteynga qarshi o‘yinda sardor lavozimida Tilyemans bo‘ladi. Garsiya matbuot anjumanida shunday dedi: “Yuri — oltin avlod vakillari bilan yosh futbolchilar o‘rtasidagi bog‘lovchi bo‘g‘in.” Murabbiyning so‘zlariga ko‘ra, Tilyemans bundan keyin ham Belgiya terma jamoasining sardori sifatida qoladi.

Eslatib o‘tamiz, de Bryune joriy mavsum boshidan Italiya chempioni Napoli jamoasida to‘p surmoqda. Oldinroq u o‘n yil davomida Angliyaning Manchester Siti klubida o‘ynagan.

34 yoshli futbolchi terma jamoa safida jami 111 o‘yinda maydonga tushib, 34 ta gol urdi.