Madridning “Real” jamoasining markaziy himoyachisi Raul Asensio klubni almashtirishi mumkin. Bu haqida Euro-football.ru xabar berdi.
O‘tgan mavsumda yosh ispaniyalik futbolchi Karlo Anchelotti qo‘l ostida asosiy jamoada o‘z o‘rnini mustahkamladi. Biroq yangi bosh murabbiy Xabi Alonso uning imkoniyatlariga unchalik ishonmaydi va shu sababli joriy mavsumda maydonga chiqish imkoniyati bo‘lmadi.
AS nashrining xabar berishicha, Turkiyaning “Beshiktosh” klubi himoyani kuchaytirish maqsadida Asensio bilan qiziqmoqda. Istanbul jamoasi transfer oynasi ochiq bo‘lgan hozirgi kunlarda 22 yoshli futbolchini o‘z safiga qo‘shib olish imkoniyatiga ega.
Transfermarkt saytiga ko‘ra, Raul Asensioning bahosi 40 million yevroga teng. Shuningdek, “Beshiktosh” “Real”ning boshqa himoyachisi Davud Alabega ham qiziqish bildirayotgani ma’lum.
Bu o‘zgarishlar “Beshiktosh” jamoasining himoya chizig‘ini sezilarli darajada kuchaytirishi mumkin. Futbolchi uchun yaqin kunlarda rasmiy takliflar bo‘lishi kutilmoqda.
