De Bryune Azardan kam o‘yinda ko‘proq gol urdi
Napoli jamoasining yarim himoyachisi Kevin de Bryune Belgiya terma jamoasi safida Qozog‘istonga qarshi o‘yinda ikki marta gol urdi. Bu haqida Euro-football.ru xabar berdi.
34 yoshli futbolchi o‘yinning 42-daqiqasida hisobni ochdi va keyin 84-daqiqada yana gol kiritdi. Shu tariqa, de Bryune terma jamoa safida jami 34 ta golga erishdi va shu ko‘rsatkich bo‘yicha taniqli sobiq qanot himoyachisi Eden Azardan o‘zib ketdi.
Eden Azar esa terma jamoada 33 ta gol urgan. Qiziqarli jihati shundaki, de Bryune 113 ta o‘yinda maydonga tushgan bo‘lsa, Azar 126 ta uchrashuvda ishtirok etgan.
Kevin de Bryune Belgiya terma jamoasida 2010 yildan beri o‘ynab kelmoqda. Eden Azar esa 2008 yildan 2022 yilgacha “qizil shaytonlar” safida to‘p surgan.
2023 yilda u doimiy jarohatlar sabab faoliyatini yakunlab, professional futbolni tark etdi.
