Qayrat stadionida Realga 23 ming tomoshabin sig‘adi

Payshanba kuni kechqurun UEFA Chempionlar ligasining umumiy bosqichi uchun qur’a tashlash marosimi bo‘lib o‘tdi. Bu haqida Euro-football.ru xabar berdi.

Ushbu turnirda ilk bor ishtirok etayotgan Olmaota shahrining “Qayrat” klubi o‘z raqiblarini aniqladi. Albatta, eng e’tiborga molik raqib Madridning “Real” jamoasi bo‘lib, “Qayrat” ular bilan Olmaotadagi Markaziy stadionda o‘ynaydi.

“Qayrat”ning uy stadioni 23 804 tomoshabinni sig‘dira oladi va u shahar markaziga yaqin, Baykonur metro stansiyasidan uncha uzoq bo‘lmagan joyda joylashgan. “Qayrat” o‘z maydonida shuningdek, Belgiya jamoasi “Bryugge”, Gretsiyaning “Olimpiakos” hamda Kiprning “Pafos” klublarini qabul qiladi.

Qishki kechalarda Olmaotada harorat ba’zan minus 20 darajagacha tushishi mumkin. Bu esa “Qayrat”ning uy maydonidagi raqiblari uchun qiyinchiliklar tug‘dirishi ehtimoldan xoli emas.

Qur’a tashlash natijalari to‘liq shaklda ushbu manzilda e’lon qilindi.