Norvegiya terma jamoasi hujumchisi Erling Holann 2026 yilgi jahon chempionati saralash bosqichida Moldova jamoasiga qarshi o‘tkazilgan o‘yinda jamoasiga katta g‘alaba qozonishda yordam berdi. Bu haqida Euro-football.ru xabar berdi.
Uchrashuv 11:1 hisobida yakunlandi. 25 yoshli «Manchester Siti» futbolchisi o‘yinda besh bor gol urib, ikki marta jamoadoshlariga assistentlik qildi.
Bir o‘yinda yettita samarali harakat amalga oshirish Holanning professional faoliyatidagi rekord hisoblanadi. Agar yoshlar darajasidagi o‘yinlarni ham hisobga olsak, 2019 yilda Norvegiya yoshlar terma jamoasi safida Gondurasga qarshi o‘tkazilgan o‘yinda u yanada ta’sirli natijaga erishgan.
O‘sha o‘yinda u to‘qqiz gol urib, bir golga assist qilgan va jamoasi 12:0 hisobida g‘alaba qozongan. Hozirda Erling Holann jahon chempionati saralash bosqichida to‘qqizta gol bilan eng ko‘p gol urgan futbolchilar ro‘yxatida yetakchilik qilmoqda.
Uning yuqori natijalari terma jamoaning muvaffaqiyatli o‘yiniga katta hissa qo‘shmoqda.
