Arsenal Saliba va Saka bilan shartnoma uzaytiradi
Londonning "Arsenal" klubi rahbariyati jamoaning ikki asosiy o‘yinchisini saqlab qolishni rejalashtirmoqda. Bu haqida Euro-football.ru xabar berdi.
Gap markaziy himoyachi Vilyam Saliba va qanot hujumchisi Bukayo Saka haqida ketmoqda. Teamtalk nashri xabariga ko‘ra, ingliz klubi ushbu futbolchilar bilan shartnomalarni uzaytirish bo‘yicha muzokaralarni boshlab yuborgan.
Vilyam Saliba 2019 yildan buyon London jamoasi sharafini himoya qilmoqda. U barcha musobaqalarda jami 137 o‘yinda maydonga tushib, 7 ta gol urdi va 2 ta golli uzatma amalga oshirdi.
Uning amaldagi shartnomasi ikki yil ichida yakunlanadi. Bukayo Saka ham 2019 yilda "Arsenal"ga qo‘shilgan.
U jamoa safida 265 ta o‘yinda qatnashib, 71 ta gol urdi va 72 ta golli uzatmani amalga oshirdi. Sakaning klub bilan amaldagi shartnomasi 2027 yil yozida tugaydi.
Klub rahbariyati ushbu ikki futbolchini kelajakda ham o‘z tarkibida ko‘rishni istamoqda.
