Flik Yamalni PSGga qarshi o‘yindan chiqarishni xohladi
Barcelona jamoasining yosh hujumchisi Lamin Yamal Chempionlar ligasida PSGga qarshi o‘yin uchun asosiy tarkibda maydonga tushmasligi kerak edi. Bu haqda Euro-football.ru xabar berdi.
Bu haqda El Nacional va Cadena SER manbalari xabar berdi. Manbalarga ko‘ra, Yamal mashg‘ulotga kechikgani uchun bosh murabbiy Hans-Diter Flik uni tarkibdan chiqarishni rejalashtirgan.
Biroq, klub rahbariyati bu qarorga aralashib, Flikka bosim o‘tkazib, Yamalni maydonga chiqarishga majbur qilgan. Nemis murabbiy bunday holatdan norozi bo‘lib, bu qattiq intizomni buzishi mumkinligini ta’kidlagan.
Shundan so‘ng Flik rahbariyat bilan jiddiy suhbat o‘tkazib, o‘z mavqeini to‘liq tan olishlarini talab qilgan. Klub ichkarisida esa bu ma’lumotlar rad etilmoqda.
Joriy mavsumda 18 yoshli Yamal barcha musobaqalarda beshta o‘yinda maydonga tushib, ikki gol urdi va to‘rtta golli uzatma berdi.
