Ronaldu: "Maqsadimizga qadam-baqadam yaqinlashamiz"

Saudiya Arabistoni Pro-ligasi doirasida o‘tgan dushanba kungi o‘yinda "Al-Nasr" jamoasi "Al-Taavun"ni 1:0 hisobida mag‘lub etdi. Bu haqda Zamin.uz xabar berdi.

Uchrashuvdan so‘ng "Al-Nasr" jamoasining yetakchisi Krishtianu Ronaldu o‘z fikrlarini ijtimoiy tarmoqlar orqali bildirdi. Bu haqda euro-football.ru sayti xabar berdi.

Portugaliyalik hujumchi bu safar gol ura olmagan bo‘lsa-da, jamoasining g‘alabasidan mamnun ekanini yashirmadi. U o‘z postida: “Qadam-baqadam.

Maqsadimizga to‘liq e’tibor!” deb yozib, o‘z jamoasining oldiga qo‘yilgan maqsadlarga ishora qildi. Mazkur uch ochko "Al-Nasr" jamoasiga turnir jadvalida ikkinchi o‘ringa ko‘tarilish imkonini berdi.

Hozirda ular peshqadam "Al-Hilol"dan besh ochko ortda qolmoqda. Shu bilan birga, Krishtianu Ronaldu 5-fevral kuni o‘zining 41 yoshini qarshi oladi.

U "Al-Nasr" bilan 2026/2027 yilgi mavsum yakunigacha shartnoma imzolagan va jamoa uchun muhim o‘yinchi bo‘lib qolmoqda.