Kanchelskis: Rossiya terma jamoasi uchun o‘yinlar murakkab bo‘ladi

Sobiq futbolchi Andrey Kanchelskis Rossiya milliy terma jamoasining kelajakdagi imkoniyatlari haqida o‘z fikrlarini bildirdi. Bu haqda Zamin.uz xabar berdi.

Uning ta’kidlashicha, yaqin yillarda Rossiya terma jamoasining Yevropa mamlakatlari jamoalariga qarshi o‘yin o‘tkazishi juda murakkab. Bu haqda euro-football.ru xabar bermoqda.

Kanchelskisning so‘zlariga ko‘ra, hozirda hech bir jamoa Rossiya terma jamoasiga qarshi o‘ynashga tayyor emas. U hatto 2026 yilgacha ham Yevropa jamoalari bilan o‘yinlar o‘tkazilishi ehtimoldan yiroqligini aytdi.

Shunga qaramay, Rossiya Futbol Ittifoqi (RFU) boshqa federatsiyalar bilan kelishuvlar olib borishda davom etishi lozimligini ta’kidladi. Shuningdek, Kanchelskis RFU faqat terma jamoalarga e’tibor qaratmasdan, Lotin Amerikasidan kuchli klublar bilan ham o‘yinlar tashkil etishi mumkinligini qayd etdi.

Uning fikricha, bu Rossiya futboli rivojiga ijobiy ta’sir ko‘rsatadi. Ma’lumki, UEFA va FIFA tomonidan RFUga nisbatan joriy etilgan sanksiyalar to‘rt yildan buyon davom etmoqda.

Bu cheklovlar Rossiya futbolining xalqaro maydondagi ishtirokini sezilarli darajada cheklab qo‘ygan.