Opta: “Arsenal” Chempionlar Ligasi g‘olibligiga asosiy da’vogar
Chempionlar Ligasining pley-off bosqichi uchun qur’a tashlash marosimi o‘tgach, statistikalar va modellar yangilandi. Bu haqda Zamin.uz xabar berdi.
Opta superkompyuteri ham qur’a natijalariga asoslangan holda yangi prognozlarini e’lon qildi va turnir bilan bog‘liq eng qiziqarli ma’lumotlarni taqdim etdi. Opta hisob-kitoblariga ko‘ra, “Arsenal” 30,6 foiz ehtimol bilan Chempionlar Ligasi g‘olibi bo‘lish uchun asosiy da’vogar sifatida e’tirof etildi.
Bu ko‘rsatkich London klubining hozirgi holati raqobatchilardan bir qadam oldinda ekanligini anglatadi. Ikkinchi o‘rinda germaniyalik “Bavariya” (15%), kuchli uchlikni esa Angliyaning “Manchester Siti” jamoasi (11%) yakunlab bergan.
E’tiborni tortgan yana bir muhim jihat “Real Madrid” bilan bog‘liq. Opta hisob-kitoblariga ko‘ra, “Qirollik klubi” favoritlar ro‘yxatidan chiqib ketgan.
Ularning g‘alaba qozonish ehtimoli atigi 1,7 foizga baholanib, jamoa sakkizinchi o‘rindan o‘n ikkinchi o‘ringa tushib qolgan. Bu holat qur’a natijalari va umumiy vaziyatning “Real” reytingiga salbiy ta’sir qilganini ko‘rsatadi.
Opta versiyasiga ko‘ra, 2025/26 yilgi Chempionlar Ligasi g‘olibligi uchun asosiy da’vogarlar quyidagicha: 1. “Arsenal” — 30,6% 2.
“Bavariya” — 15% 3. “Manchester Siti” — 11% 4.
“Liverpul” — 8,8% 5. “Chelsi” — 7,3% 6.
“Barselona” — 7,2% 7. PSJ — 4,9% 8.
“Nyukasl” — 3,2% 9. “Inter” — 2,6% 10.
“Tottenxem” — 2,3% 11. “Sporting” — 1,8% 12.
“Real Madrid” — 1,7% Qolgan jamoalarning imkoniyati 1 foizdan past bo‘lib, ular faqat kutilmagan hodisalar sodir bo‘lgandagina g‘olib bo‘lishi mumkin. Shubhasiz, pley-off bosqichida jamoalarning nomi emas, maydondagi formasi muhim ahamiyat kasb etadi.
Opta prognozlari qanchalik aniq bo‘lishini esa vaqt ko‘rsatadi. Ma’lumot manbasi: One.uz.
