Garri Keyn faoliyatidagi 100-penaltini golga aylantirdi

"Bavariya" hujumchisi Garri Keyn o‘z faoliyatidagi 100-penaltini muvaffaqiyatli amalga oshirdi. Bu haqda Zamin.uz xabar berdi.

Angliyalik futbolchi Bundesliganing "Verder"ga qarshi o‘yinida (3:0) 11 metrli zarbani golga aylantirdi. Bu haqda euro-football.ru xabar berdi.

Mazkur uchrashuvda 32 yoshli forvard yana bir muhim yutuqqa erishdi — u umumiy hisobda faoliyatidagi 500-golini kiritdi. Ushbu natija uning hujumchi sifatidagi yuqori saviyasini yana bir bor tasdiqlaydi.

FIFA World Cup Stats ma’lumotiga ko‘ra, Garri Keyn XXI asrda penaltidan 100 ta gol urgan uchinchi futbolchiga aylandi. Ushbu ko‘rsatkich bo‘yicha undan faqat Krishtianu Ronaldu (181 ta gol) va Lionel Messi (112 ta gol) o‘zib ketgan.

Bu esa Keynning zamonaviy futbolning eng yaxshi hujumchilaridan biri ekanligini ko‘rsatadi. Eslatib o‘tamiz, Garri Keyn 2023 yilda "Tottenhem" klubidan Germaniyaning "Bavariya" jamoasiga o‘tgan edi.

U o‘z karyerasining asosiy qismini London klubida o‘tkazib, jamoa tarixidagi eng samarali futbolchilardan biriga aylangan.