Pyer Kalulyu «Komo»ga qarshi o‘yinni o‘tkazib yuboradi

Italiya A Seriyasi rasmiy sayti o‘tgan tur natijalariga ko‘ra intizomiy qarorlarni e’lon qildi. Bu haqda Zamin.uz xabar berdi.

Ushbu qarorlarga muvofiq, bir qator futbolchilar diskvalifikatsiya qilindi. Ular orasida «Yuventus» jamoasi himoyachisi Pyer Kalulyu ham bor.

Fransuz futbolchisi bir o‘yinlik chetlatish jazosi oldi. Bu haqda euro-football.ru xabar berdi.

Kalulyuning chetlatilishi bahsli holat sifatida baholanmoqda. Hakamlar korpusi rahbari Janluka Rokki futbolchiga ikkinchi sariq kartochka noto‘g‘ri ko‘rsatilganini tan olib, uzr so‘ragan.

Ammo qoidalar bo‘yicha qizil kartochka qo‘llanilgandan so‘ng diskvalifikatsiya kuchda qoladi. Shu sababli futbolchi jazodan ozod qilinmadi.

Natijada Pyer Kalulyu A Seriyaning navbatdagi turida «Komo» jamoasiga qarshi o‘yinda «Yuventus» safida maydonga tusha olmaydi. Mazkur uchrashuv 21-fevral, shanba kuni bo‘lib o‘tishi rejalashtirilgan.