Mamardashvili "Liverpul"dagi holatidan norozi

Gruziyalik darvozabon Georgiy Mamardashvili "Liverpul" jamoasidagi hozirgi holatidan norozi ekani haqida Teamtalk nashri xabar berdi. Bu haqda Zamin.uz xabar berdi.

Ushbu ma’lumotni euro-football.ru sayti ham tasdiqlagan. Manbalarga ko‘ra, 25 yoshli posbon klub safida zaxira darvozabon sifatida qolib ketayotganidan qoniqmayapti.

Shu sababli, u yozgi transferlar davrida boshqa klubga o‘tish imkoniyatlarini ko‘rib chiqmoqda. Bundan tashqari, Mamardashvili kelgusi mavsum uchun ijaraga o‘tish takliflariga ham ochiq ekanini bildirgan.

Darvozabonning "Liverpul" bilan tuzgan shartnomasi 2031 yilning o‘rtalarigacha amal qiladi. Uning bozor qiymati hozirda 28 million yevroga baholanmoqda.

Joriy mavsum davomida Mamardashvili 11 ta o‘yinda ishtirok etib, 17 ta gol o‘tkazib yuborgan. Shuningdek, u uchta o‘yinda darvozasini daxlsiz saqlashga muvaffaq bo‘lgan.

Mamardashvili hozirgi holatidan qoniqmagan bo‘lsa-da, uning kelajagi borasida qanday qaror qabul qilishi hali noma’lum. Shu bilan birga, uning transferi yoki ijara asosida boshqa klubga o‘tishi mavsum yakunida aniq bo‘lishi kutilmoqda.