Joze Mourinyo yana «Real Madrid» bosh murabbiyi bo'lishi kutilmoqda
Portugaliyalik taniqli mutaxassis Joze Mourinyo yana Real Madrid bosh murabbiyi lavozimiga qaytishi kutilmoqda. Bu haqda Zamin.uz xabar berdi.
Tajribali murabbiy Ispaniya poytaxtida o'zining hali yakunlanmagan ishlari bor deb hisoblamoqda va yana bir bor qirollik klubini boshqarishga tayyorligini bildirgan. Bu haqda Goal.com nashri xabar tarqatdi.
Hozirgi vaqtda Mourinyoning amaldagi shartnomasida alohida band mavjud bo'lib, uning amal qilish muddati yaqin kunlarda o'z nihoyasiga yetadi. Mazkur kelashuv bandi murabbiyga ma'lum shartlar asosida jamoani tark etish va boshqa klub bilan muzokaralar olib borish imkoniyatini taqdim etadi.
Aynan mana shu jihat mutaxassisning Madridga qaytish ehtimolini yanada oshirmoqda. Real Madrid rahbariyati ayni damda jamoaning kelajakdagi murabbiylik variantlarini sinchiklab ko'rib chiqmoqda.
Mourinyo uchun ochilgan ushbu qisqa muddatli imkoniyat klub mutasaddilari e'tiboridan chetda qolmagan. Jamoa boshqaruvida o'zgarishlar qilishni rejalashtirayotgan rahbariyat tajribali murabbiy nomzodini asosiy da'vogarlar qatorida ko'rmoqda.
Eslatib o'tamiz, Joze Mourinyo avval ham Real Madrid jamoasini boshqargan va klub bilan birgalikda Ispaniya chempionligi hamda mamlakat kubogida zafar quchgan edi. Uning Madridga qaytishi borasidagi xabarlar jahon sport jamoatchiligi orasida katta qiziqish va turli muhokamalarga sabab bo'lmoqda.
Ko'plab muxlislar portugaliyalik murabbiyning qat'iy intizomi va g'alaba qozonishga bo'lgan ishtiyoqi jamoaga yangi nafas olib kelishiga ishonmoqdalar. Ushbu kutilayotgan tayinlov nafaqat Ispaniya futbolida, balki butun Yevropa maydonlarida jiddiy o'zgarishlarga sabab bo'lishi mumkin.
Mourinyoning qaytishi jamoa tarkibidagi o'zgarishlar va yangi transfer siyosatiga ham ta'sir ko'rsatishi shubhasiz. Hozircha tomonlar rasmiy bayonot berishmagan bo'lsa-da, yaqin vaqt ichida ushbu masala bo'yicha yakuniy qaror qabul qilinishi kutilmoqda.
