Shimoliy Koreya IT mutaxassislarini maxfiy yuboradi
Shimoliy Koreya yillar davomida minglab IT mutaxassislarini xorijga yuborib, ularni maxfiy tartibda G‘arbdagi kompaniyalarda masofaviy ishlashga majbur qilmoqda. Bu haqida Zamin.uz xabar berdi.
BBC nashri xabariga ko‘ra, bu mutaxassislar yuzlab soxta shaxsiyatlardan foydalanib, AQSh va Yevropadagi turli kompaniyalarda faoliyat yuritgan. Ular odatda 10 kishilik guruhlarda ishlagan va oyiga 5 ming dollargacha daromad olgan.
Biroq, olingan daromadning 85 foizi to‘g‘ridan-to‘g‘ri Pxenyanga, ya’ni rejimni moliyalashtirish uchun yuborilgan. IT mutaxassislar o‘z shaxsiyatlarini yashirish maqsadida dastlab Xitoylik sifatida ko‘rinish berib, keyin esa boshqa mamlakatlar, masalan, Vengriya yoki Turkiya fuqarolarining hujjatlaridan foydalangan.
Shundan so‘ng ular Yevropa fuqarolari nomidan AQShdagi ish o‘rinlariga murojaat qilgan. BMT Xavfsizlik Kengashining 2024-yil mart oyida e’lon qilingan hisobotiga ko‘ra, bu sxema har yili Shimoliy Koreyaga 250 milliondan 600 million dollargacha daromad keltirmoqda.
Pandemiya davrida masofaviy ish imkoniyatlarining kengayishi bu tizimning rivojlanishiga sabab bo‘lgan. Mazkur faoliyat an’anaviy kiberhujumlardan farq qiladi.
Masalan, Lazarus Group tomonidan amalga oshirilgan 1,5 milliard dollarlik kripto valyuta o‘g‘riligidan mustaqil ravishda olib borilmoqda. Ish beruvchilar soxta nomzodlarni aniqlashda katta qiyinchiliklarga duch kelmoqda.
AQSh va Yevropadagi kompaniyalar yuzlab shubhali arizalarni qayd etgan. Ayrim hollarda nomzodlar video intervyular vaqtida yuzini o‘zgartiruvchi sun’iy intellekt texnologiyalaridan foydalanganligi aniqlangan.
Bu holatlar kiberxavfsizlik sohasida yangi muammolarni yuzaga keltirmoqda.
