Amazon global miqyosda 16 ming xodimni qisqartiradi

Amazon kompaniyasi sun’iy intellekt sohasidagi raqobatning kuchayishi sababli butun dunyo bo‘ylab yana 16 ming xodimni ishdan bo‘shatmoqchi. Bu haqda Zamin.uz xabar berdi.

Bloomberg nashrining xabar berishicha, bu qaror kompaniya ichki byurokratiyasini kamaytirish va xodimlarning shaxsiy mas’uliyatini oshirish maqsadida qabul qilingan. Sentabr oyida Amazonda 350 ming ofis xodimi ishlayotgani ma’lum edi va ulardan 4,6 foizi qisqartirilishi rejalashtirilgan.

Kompaniyaning jami xodimlar soni 1,57 millionni tashkil etadi, ularning ko‘pchiligi omborlarda faoliyat yuritadi. 2025 yil oktyabr oyida Amazonda qisqartirishlarning birinchi to‘lqini amalga oshirilgan bo‘lib, o‘shanda 14 ming kishi ishdan bo‘shatilgan edi.

Bu jarayon kompaniya strategiyasining bir qismi sifatida davom etmoqda.