Apple kompaniyasi bu yilgi kuzgi tadbirida iPhone Ultra buklanadigan smartfonni taqdim etadi
Apple kompaniyasi an'anaviy kuzgi taqdimotiga tayyorlanmoqda va bu yilgi tadbir texnologiya sohasida muhim voqeaga aylanishi kutilmoqda. Bu haqda One.uz xabar beradi.
IXBT.com ma'lumotlariga ko'ra, asosiy marosim 9-sentabrga belgilangan. Tadbirning eng kutilgan yangiligi kompaniyaning birinchi buklanadigan smartfoni bo'lib, u hozircha norasmiy ravishda iPhone Ultra deb atalmoqda.
Bu qurilma Apple tarixidagi birinchi buklanadigan gadjet bo'lishi rejalashtirilgan. Kutilayotgan boshqa qurilmalar Buklanadigan smartfondan tashqari, tadbir doirasida an'anaviy flagman qatori yangilanishi rejalashtirilgan.
Xususan, iPhone 18 Pro liniyasi ham keng auditoriyaga e'lon qilinishi kutilmoqda. Shuningdek, yangi avlod aqlli soatlari — Apple Watch Series 12 va Apple Watch Ultra 4 — ham namoyish etilishi mumkin.
Qo'shimcha gadjetlar qatorida yangilangan HomePod va Apple TV qurilmalari ham ko'rsatilishi ehtimoli bor. Sotuv boshlanishi va manba haqida Taqdimotdan keyin kompaniya yangi mahsulotlar uchun dastlabki buyurtmalarni qabul qilishni boshlaydi va savdolar yaqinda start oladi.
Biroq Apple hozircha tadbirning aniq sanasini rasman tasdiqlamagan, buklanadigan iPhone texnik xususiyatlari ham sir saqlanmoqda. Ushbu insayder ma'lumotlarini texnologik dunyoda aniq bashoratlari bilan mashhur Majin Bu taqdim etgan.
Ushbu manba avvalroq iPad mini parametrlari, iPhone 12 ranglari, iPhone 15 nuqsonlari va iPhone 16 maketlari haqida ham to'g'ri ma'lumotlar bergan.
