BYD yangi elektr yo‘ltanlamasini taqdim etdi
Xitoy BYD avtokonserni elektr transport bozorida inqilobiy namoyish qilgan yangi Great Tang modelini e’lon qildi. Bu haqda Zamin.uz xabar berdi.
Bu toliq o‘lchamli elektr yoltanlama rekord darajadagi yurish masofasi va tez quvvatlanish tizimi bilan soha mutaxassislari e’tiqobini tortmoqda. Ixbt.com xabar beradi.
Yangi model 1000 voltli arxitektura va BYD Flash Charging texnologiyasi bilan jihozlangan. Bu tizim akkumulyatorni 5 daqiqada 10 foizdan 70 foizgacha, 9 daqiqada esa 97 foizgacha quvvatlantirish imkonini beradi.
Bunday tezlik “uzoq quvvatlanish” muammosini deyarli bartaraf etadi — bu elektromobillar va ichki yonuv dvigatelli mashinalar orasidagi asosiy farqlardan biri. Texnik imkoniyatlar va yurish masofasi BYD Tang ikki xil akkumulyator sig‘imi bilan taklif etilmoqda.
Premium EV bazaviy versiyasi 105,79 kW·soat sig‘imli batareya bilan jihozlangan va CLTC sikli bo‘yicha 800 km yol bosadi. Flagship EV deb nomlangan yuqori modifikatsiya esa 130,15 kW·soatli batareya yordamida bir marta quvvatlanishda 950 km masofani bosib o‘tishi aytilmoqda.
Avtomobilning quvvati ham hayratlanarli: bir motorli versiya 496 ot kuchiga ega, ikki motorli to‘liq uzatmali (AWD) varianti esa 784 ot kuchini tashkil etadi. Xavfsizlik va boshqaruv uchun tom qismiga lidar va God’s Eye B haydovchiga ko‘maklashish tizimi o‘rnatilgan.
U avtopilot funksiyalari va avtomatik parkovkani ta‘minlaydi. Interyer va qulaylik elementlari avtomobil ichki qismi biznes-klass darajasidagi qulayliklarni taklif etadi.
Old panelda uchta yirik ekran va orqa yovolchilar uchun alohida displey joylashgan. Isitish, ventilyatsiya va massaj funksiyalariga ega “nol gravitatsiya” formatidagi o‘rindiqlar mavjud.
Salon ichiga ixcham muzlatkich va yig‘iluvchi ishchi stollar joylashtirilgan. Narx masalasida BYD asosiy raqobatchilarini ortda qoldirmoqda.
Masalan, 950 km masofa bosuvchi Tang Flagship EV taxminan 40 000 dollar tursa, uning asosiy raqobatchisi hisoblangan Tesla Model X AWD deyarli ikki baravar qimmat (79 990 dollar) va yurish masofasi bor-yo‘g‘i 565 km bilan cheklangan. Hozircha BYD ushbu modelni AQSH bozoriga chiqarishni rejalashtirmayapti, biroq Xitoyda aprel oyidan buyon 150 000 dan ortiq oldindan buyurtma qabul qilingan.
O‘zbekiston avtomobil bozorida BYD brendining yetakchiligini hisobga olsak, ushbu model kelgusida mahalliy yollarda ham paydo bo‘lishi va katta qiziqish uyg‘otishi kutilmoqda.
