Xitoyning Guandun viloyatida uch yoshli bola 18-qavatdan yiqilishiga qaramay, tirik qolgan voqea yuz berdi. Bu haqida Zamin.uz xabar berdi.
Bu haqda South China Morning Post nashri ma’lum qildi. Hodisa sodir bo‘lgan paytda bola buvisi va buvasi nazorati ostida bo‘lgan.
Ular bolani uxlayotgan deb o‘ylab, oziq-ovqat olish uchun uydan chiqib ketishgan. Bola uyg‘onganida hojatxonaga kirib, u yerda himoya panjarasi bo‘lmagan derazadan tushib ketgan.
Kutilmaganda bola 17-qavatdagi deraza tagiga urilib, yo‘nalishini o‘zgartirib, yo‘lakka emas, daraxt shoxlariga tushgan. Bolaning otasi daraxt bo‘lmaganida, farzandi betonga yiqilib, jiddiy jarohat olishini ta’kidlagan.
Mahalliy fuqaro bolani topib, zudlik bilan tez yordam chaqirgan. Shifokorlar bolaning qo‘li singanini, umurtqasida cho‘zilish va ichki a’zolarida jarohatlar borligini, ammo bosh miyasi sog‘lom qolganini bildirgan.
Bolaning otasi minnatdorlik ramzi sifatida daraxtni an’anaviy qizil gullar bilan bezab, Xitoy madaniyatida hurmat va shukronalik ifodasi ekanligini ta’kidladi. Ushbu hodisa mahalliy jamoatchilik va ijtimoiy tarmoqlarda keng muhokama qilinmoqda.
Ko‘pchilik voqeani haqiqiy mo‘jiza deb baholamoqda. Bu voqea inson hayoti qanchalik qadrli va tasodiflarning qanday muhim ahamiyatga ega ekanligini yodga soladi.
