Yaponiya 16000 o‘yinchoq pistoletni olib chiqmoqda

Yaponiya huquqni muhofaza qiluvchi organlari mamlakat bo‘ylab taxminan o‘n olti ming dona o‘yinchoq pistoletni bozordan olib chiqishga qaror qildi. Bu haqida Zamin.uz xabar berdi.

Ushbu o‘yinchoq pistoletlar aslida haqiqiy o‘q-dorilarni otishga qodir bo‘lgan qurolga aylanishi mumkinligi aniqlangan. Bu haqda Pravilamag agentligi ma’lum qildi.

Real Gimmick nomi bilan sotilgan mini-revolverlar 12 yoshdan katta bolalar uchun mo‘ljallangan bo‘lib, mamlakatdagi turli o‘yin avtomatlarida sovg‘a sifatida taqdim etilgan. Bir qarashda xavfsiz ko‘rinadigan ushbu o‘yinchoqlar Xitoydan import qilingan va ular bilan birga plastik o‘q-dorilar ham berilgan.

Ekspertizalar natijasida ushbu qurollar ayrim texnik o‘zgartirishlar orqali jiddiy xavf tug‘diruvchi haqiqiy qurolga aylanishi mumkinligi aniqlangan. Huquqni muhofaza qiluvchi organlar ushbu pistoletlarni boshqarish xavfli ekanligini, ular tasodifan portlashi yoki noto‘g‘ri yo‘nalishda o‘q otishi mumkinligini ta’kidlamoqda.

Yaponiya qonunchiligida bunday qurollarga egalik qilish qat’iy tartibga solingan va litsenziyasiz saqlash jinoiy javobgarlikka olib keladi. Hozirda politsiya barcha xaridorlar va foydalanuvchilarni ushbu qurollarni topshirishga chaqirmoqda.

Jamiyat xavfsizligini ta’minlash va bolalarning hayotini himoya qilish maqsadida tezkor choralar ko‘rilmoqda.