Suriya 14 yildan keyin neft eksportini tikladi
Suriya 14 yil ichida birinchi marta xorijga neft eksport qildi. Bu haqida Zamin.uz xabar berdi.
Bu haqda Reuters xalqaro agentligi xabar berdi. Ma’lum qilinishicha, savdo kompaniyasi bilan tuzilgan kelishuv asosida xorij mamlakatlariga jami 600 ming barrel xom neft jo‘natildi.
Joriy yil avgust oyida AQSh tomonidan qo‘yilgan cheklovlar bekor qilinishi natijasida nafaqat eksport tiklandi, balki iqtisodiy jarayonlar ham faollashdi. Suriya energetika vazirligi ushbu qadamni neft sohasini jonlantirish bilan birga mamlakatning xalqaro energetika bozorlaridagi mavqeini oshirish va dunyo kompaniyalari bilan hamkorlik imkoniyatlarini kengaytirish uchun muhim deb baholadi.
Yaqin kunlarda yangi eksport yetkazmalari amalga oshirilishi rejalashtirilmoqda. 2011 yilda mamlakatda boshlangan inqiroz va G‘arb tomonidan joriy etilgan iqtisodiy sanksiyalar tufayli Suriya uzoq vaqt xorijga neft sotishni to‘xtatgan edi.
Shu bois, bu yangi qadam nafaqat iqtisodiy, balki siyosiy ahamiyatga ham ega bo‘lmoqda. Ekspertlar bu o‘zgarishni neft bozori uchun muhim signal deb hisoblaydi va Suriyaning xalqaro savdo sohasidagi mavqeini mustahkamlashini ta’kidlamoqda.
