Tramp va Si Szinpin Janubiy Koreyada uchrashadi
AQSH va Xitoy yetakchilari yaqin kunlarda Janubiy Koreyada yuzma-yuz uchrashishi mumkin. Bu haqida Zamin.uz xabar berdi.
CNN nashri xabariga ko‘ra, AQSH prezidenti Donald Tramp va uning maslahatchilari Osiyo-Tinch okeani iqtisodiy hamkorligi sammitida ishtirok etishga tayyorgarlik ko‘rmoqda. Manbalar ta’kidicha, sammit doirasida Donald Tramp va Xitoy rahbari Si Szinpin o‘rtasida muzokaralar tashkil etilishi mumkinligi ko‘rib chiqilmoqda.
Hozircha uchrashuv tafsilotlari aniq ma’lum emas, ammo diplomatik doiralarda bu muloqotning katta ahamiyatga ega bo‘lishi kutilmoqda. Bundan tashqari, CNN manbalari AQSH prezidenti Janubiy Koreya tashrifi davomida Shimoliy Koreya yetakchisi Kim Chen In bilan ham uchrashishi ehtimoli borligini bildirgan.
Biroq Kim Chen Inning sammitda qatnashishi haqida hozircha rasmiy ma’lumot berilmagan. Oq Uy esa bu tashrifning asosiy maqsadi iqtisodiy hamkorlikni mustahkamlash ekanligini ta’kidlagan.
Eslatib o‘tamiz, APEC sammiti Janubiy Koreyaning Kyonju shahrida 31 oktyabr va 1 noyabr kunlari o‘tkazilishi rejalashtirilgan. Shu sababli, kelasi oy bo‘lib o‘tadigan ushbu uchrashuv xalqaro munosabatlarda muhim voqealardan biri bo‘lishi kutilmoqda.
Unda nafaqat iqtisodiy hamkorlik, balki global xavfsizlik masalalari ham muhokama qilinishi ehtimoldan xoli emas.
