Germaniya qishloq xo‘jaligi va oziq-ovqat vaziri Alois Rayner mamlakatda favqulodda vaziyatlarga tayyorgarlik ko‘rish maqsadida oziq-ovqat zaxirasini oshirish tashabbusini ilgari surdi. Bu haqida Zamin.uz xabar berdi.
Vazirning so‘zlariga ko‘ra, asosiy e’tibor tayyor holda iste’mol qilinishi mumkin bo‘lgan mahsulotlarga qaratilmoqda. Xususan, konservalangan makaron va shunga o‘xshash mahsulotlar zaxirasini ko‘paytirish rejalashtirilgan.
Alois Rayner jurnalistlarga bergan intervyusida, ularni tez tayyorlanadigan va iste’molga yaroqli milliy zaxira sifatida shakllantirish niyatida ekanligini bildirdi. Tashabbusning umumiy qiymati 80-90 million yevroga teng bo‘lishi kutilmoqda.
Vazir ta’kidlashicha, hozirgi geosiyosiy vaziyat va global yetkazib berish zanjirlaridagi muammolar Germaniyani bunday choralarni ko‘rishga undamoqda. Shu sababli, tayyor mahsulotlar zaxirasi mamlakat xavfsizligi va barqarorligini ta’minlashda muhim ahamiyatga ega hisoblanadi.
Bu tashabbus Germaniyaning kelajakdagi favqulodda holatlarga tayyorligini oshirishga xizmat qiladi.
