Missuri va Texasda ikki milliard dollar yutdi
Amerika Qo‘shma Shtatlarida o‘tkaziladigan Powerball lotereyasida yana bir bor tarixiy voqea yuz berdi. Bu haqida Zamin.uz xabar berdi.
Missuri va Texas shtatlarida yashovchi ikki nafar fuqaro ushbu lotereyada yirik jekpotni yutib, milliarderlarga aylandi. Ularning umumiy mukofot summasi 1,8 milliard dollarni tashkil etdi.
Bu ko‘rsatkich Amerika tarixidagi eng katta lotereya yutuqlaridan biri sifatida qayd etildi. G‘oliblar o‘z ulushlarini olish uchun ikki variantdan birini tanlash imkoniyatiga ega.
Birinchi variant – 30 yil davomida yilma-yil 893,5 million dollar miqdorida annuitet to‘lovini olish. Ikkinchi variant esa bir martalik 410,3 million dollar naqd to‘lovni qo‘lga kiritishdir.
Bir martalik to‘lovda soliqlar avtomatik ravishda ushlab qolinadi, annuitet to‘lovlarida esa soliqlar har yili to‘lanadi. Moliyaviy mutaxassislarning fikricha, ko‘pchilik g‘oliblar ko‘p yillik to‘lov o‘rniga naqd pulni bir vaqtning o‘zida olishni afzal ko‘radi.
Bu ularga yutuq mablag‘larini tezda sarmoya qilish yoki shaxsiy ehtiyojlariga sarflash imkonini beradi. Shu bois, naqd to‘lov ko‘plab g‘oliblar uchun qulayroq hisoblanadi.
