OnlyFans’dan fermerlikka o‘tgan Avstraliya modeli

Avstraliyalik model Bell taxallusi bilan tanilgan ayol OnlyFans platformasidan chiqib, faoliyatini butunlay o‘zgartirdi va qishloq xo‘jaligi sohasida ishlashga qaror qildi. Bu haqida Zamin.uz xabar berdi.

U o‘zining onlayn faoliyati davomida topgan pulini sigir boqishga sarflashga qaror qildi. Avvaliga avtohalokatdan keyin orqa jarohati sabab ish topa olmagan Bell OnlyFans’ga ro‘yxatdan o‘tib, ko‘plab kontent joylashtirdi va qisqa vaqt ichida katta daromadga ega bo‘ldi.

Uning umumiy daromadi bir necha million dollarga yetdi. Ushbu mablag‘ning bir qismini kasal onasi hamda yaqin qarindoshlariga yordam berishga yo‘naltirdi.

Keyinchalik u oilaviy biznesni davom ettirib, qishloq xo‘jaligi sohasida faoliyat boshladi. Bell Kvinslend va Viktoriyada bir nechta xo‘jalik obyektlarini sotib olib, Janubiy Bernettda chorvachilik fermasini tashkil qildi.

Hozirda u o‘z fermalarida faol ishlamoqda va muvaffaqiyatli fermer sifatida tanilgan. Yaqinda u News Corp tomonidan tuzilgan “2025 yilning eng yaxshi yosh fermerlari” reytingida birinchi o‘rinni egalladi.

Bellning hayotidagi bu o‘zgarishlar uning qiyinchiliklarga qaramay yangi yo‘nalishda muvaffaqiyatga erishganini ko‘rsatadi.