Neuralink 12 kishining miyaga implant o‘rnatdi
Ilon Maskning Neuralink kompaniyasi insoniyat tarixida muhim qadam tashlab, 12 nafar odam miyasiga neyron implantlarini muvaffaqiyatli o‘rnatganini ma’lum qildi. Bu haqda Zamin.uz xabar berdi.
Kompaniya bu yangilikni ijtimoiy tarmoqdagi rasmiy bayonot orqali e’lon qildi. Bayonotda aytilishicha, hozirda butun dunyo bo‘ylab 12 kishi Neuralink implantlari bilan yashamoqda.
Ularning har biri 2000 kundan ortiq vaqt mobaynida qurilmalardan foydalanib, jami 15 ming soatdan ortiq faoliyatni amalga oshirgan. Neuralink jamoasi ishtirokchilarning imkoniyatlarini chuqur o‘rganishni davom ettirishni rejalashtirmoqda.
Birinchi neyron chip inson miyasiga 2024-yil yanvar oyida o‘rnatilgan. Shu orqali kompaniya yangi yutuqqa erishdi: implant o‘rnatilgan birinchi bemor shaxmat o‘ynash imkoniyatiga ega bo‘ldi.
Bu voqea neyrotexnologiyalar sohasida muhim tarixiy bosqich hisoblanadi. Mutaxassislarning ta’kidlashicha, Neuralink implantlari inson miyasi bilan kompyuter o‘rtasidagi aloqani mustahkamlash, shuningdek, inson fikrlarini raqamli texnologiyalar yordamida aniqlash imkoniyatini yaratadi.
Bu texnologiya kelajakda tibbiyotning turli sohalarida, jumladan murakkab vazifalarni bajarishda ham qo‘llanilishi mumkin. Ilon Mask va uning jamoasi ta’kidlaganidek, Neuralink sinovlari davomida ishtirokchilarning xavfsizligi va miya funksiyalarining himoyasi ustuvor ahamiyatga ega.
Kompaniya kelajakda implantlarni kengroq auditoriyaga tatbiq etish va inson hayotini yanada rivojlantirish uchun texnologik yangiliklarni joriy etishni maqsad qilgan. Neuralink loyihasi inson va texnologiya o‘rtasidagi chegaralarni yanada yaqinlashtirishda muhim rol o‘ynaydi.
