Kaliforniyalik Teylor yangi chaqaloqlarga ism tanlaydi
Kaliforniyalik Teylor Hamfri yangi tug‘ilgan chaqaloqlarga ism tanlash bilan shug‘ullanishni boshladi va bu orqali daromad qilmoqda. Bu haqda Zamin.uz xabar berdi.
Uning asosiy mijozlari farzandlariga to‘g‘ri ism tanlashda qiynalayotgan ota-onalardir. Avvaliga ism topish uning uchun shunchaki qiziqarli mashg‘ulot bo‘lgan bo‘lsa, vaqt o‘tishi bilan u bu sohada haqiqiy mutaxassisga aylandi.
Bir kuni ijtimoiy tarmoq orqali notanish ayoldan chaqalog‘iga ism topib berishni so‘rab murojaat qilishdi. Shu paytdan boshlab Teylor ismshunos sifatida faoliyat yurita boshladi.
Uning ijtimoiy tarmoqlardagi sahifasida 100 mingdan ortiq obunachilar bor. Hamfri taniqli shaxslarga ham ism tanlashda yordam berganini ta’kidlaydi.
U mijozlarga farzandlariga mos keladigan ismlar ro‘yxatini taqdim etadi. Oddiy ro‘yxat narxi 200 dollardan boshlanadi, maxsus VIP-paket esa ming dollargacha yetishi mumkin.
Teylor Hamfrining yangi biznes g‘oyasi tobora ommalashib borayotgani ota-onalar uchun ism tanlash jarayonini ancha osonlashtirmoqda. Bu xizmat oddiy, ammo juda muhim bo‘lib, yangi imkoniyatlar yaratmoqda.
