Chikungunya bezgagi kasallari dunyoda oshmoqda
Jahon sog‘liqni saqlash tashkiloti (JSST) ma’lumotlariga ko‘ra, 2025 yil boshidan buyon dunyoda chikungunya bezgagi bilan kasallanish holatlari sezilarli darajada oshdi. Bu haqda Zamin.uz xabar berdi.
Shu yil davomida 445 mingdan ortiq kasallik holatlari qayd etilgan va 155 kishi vafot etgan. JSST mutaxassislari chikungunya virusining butun dunyo bo‘ylab yanada keng tarqalish xavfi yuqori ekanligini ta’kidlamoqda.
Hozirgacha ushbu kasallik kamida 40 mamlakatda aniqlangan. 2025 yilda bezgak eng ko‘p Amerika qit’asida tarqalgan.
Bu yerda 100 mingdan ziyod tasdiqlangan va 228 mingdan ortiq taxminiy holatlar qayd etilgan, 115 kishi kasallik sabab vafot etgan. Yevropada esa 56 mingga yaqin holat ro‘yxatga olingan, ulardan 40 nafari o‘lim bilan yakunlangan.
Janubi-Sharqiy Osiyo mintaqasida esa 3 mingdan ortiq tasdiqlangan va 21 mingdan ziyod taxminiy kasallik holatlari aniqlangan. Chikungunya bezgagi isitma, bo‘g‘im va mushaklarda og‘riq, terida toshma va charchoq bilan kechadigan virusli kasallikdir.
Bu kasallikni Aedes aegypti va Aedes albopictus turidagi chivinlar tarqatadi. Ushbu chivinlar shuningdek, denge bezgagi virusini ham yoyishi mumkin.
Shuning uchun kasallikning oldini olish uchun chivinlarga qarshi profilaktika choralarini ko‘rish muhimdir.
