Berlindagi Rossiya elchixonasida pichoq bilan tahdid qilindi
Berlinda joylashgan Rossiya elchixonasi binosi oldida 31 yoshli ayol pichoq bilan qo‘riqchilarga tahdid qilgan. Bu haqda Zamin.uz xabar berdi.
Bu haqda Berliner Kurier nashri politsiyaga tayanib ma’lum qildi. Voqea Germaniyaning Mitte tumanida sodir bo‘lgan.
Guvohlarning aytishicha, ayol o‘zini nazorat qila olmay, elchixona xavfsizlik xodimlariga hujum qilishga uringan. U qo‘riqchining yuziga pichoq tutib, irqchilik mazmunidagi haqoratli so‘zlar bilan baqirgan.
Shu paytda xizmat quroli bilan qarshilik ko‘rsatishga tayyor turgan qo‘riqchini ko‘rib, ayol voqea joyidan qochishga harakat qilgan. Biroq u tez orada politsiya tomonidan ushlangan.
Hozirda ayol tibbiy tekshiruvdan o‘tkazilmoqda. Uning qonida spirtli ichimlik, giyohvand moddalar yoki boshqa ta’sir qiluvchi vositalar bor-yo‘qligi aniqlanmoqda.
Hodisa yuzasidan tergov ishlari davom etmoqda. Bu voqea elchixona hududida xavfsizlik choralarining muhimligini yana bir bor ko‘rsatdi.
Politsiya va xavfsizlik xodimlari bunday holatlarga tezkor javob berishga tayyor turadi. Shuningdek, jamoat tartibini saqlash va fuqarolarning xavfsizligini ta’minlash bo‘yicha chora-tadbirlar kuchaytiriladi.
