Pokiston va Afg‘oniston o‘rtasidagi vaqtinchalik sulh muddati yana uzaytirildi. Bu haqda Zamin.uz xabar berdi.
Bu haqda Dawn gazetasi xabar berdi. Ma’lum qilinishicha, ushbu qaror Afg‘onistondagi toliblar hukumatining iltimosi asosida qabul qilingan.
Mojaroni bartaraf etish bo‘yicha muzokaralar Qatar poytaxti Doha shahrida o‘tkazilishi rejalashtirilgan. Pokiston delegatsiyasi allaqachon Doha shahriga yetib kelgan bo‘lsa, Afg‘oniston vakillari 18 oktyabr kuni kelishi kutilmoqda.
Sulh muzokaralari yakunlanmaguncha amalda bo‘ladi. Eslatib o‘tamiz, 15 oktyabr kuni ikki davlat o‘rtasida 48 soatlik o‘t ochishni to‘xtatish bo‘yicha kelishuvga erishilgan edi.
Pokiston va Afg‘oniston chegarasida 11 oktyabr kuni kechqurun to‘qnashuvlar boshlangan va ertasi kuni ertalabgacha davom etgan. Afg‘oniston rasmiylari ma’lumotiga ko‘ra, janglar vaqtida kamida 12 kishi halok bo‘lgan, 100 dan ortiq odam jarohat olgan.
Hozirda ikki davlat vakillari vaziyatni muzokaralar yo‘li bilan barqarorlashtirishga harakat qilmoqda. Sulh jarayonining davom ettirilishi mintaqadagi tinchlik va xavfsizlikni ta’minlash uchun muhim ahamiyatga ega hisoblanadi.
